Қытай Сыртқы істер министрлігінің өкілі Го Цзякунь Панама депутаттарының Тайваньмен байланыс орнату бастамасын сынап, Тайвань мәселесінде шектен шыққан саясаткерлер ауыр салдарға тап болатынын мәлімдеді.
Бұған дейін Панаманың бірқатар парламентшісі «Панама–Тайвань заң шығарушы органдарының партияаралық байланыс тобы» деп аталатын топ құрғаны хабарланған. Оған АҚШ Конгресінің мүшелері онлайн қатысты.
Панама президенті Хосе Рауль Мулино елдің сыртқы саясатын үкімет белгілейтінін және депутаттардың Тайваньмен байланысын қолдамайтынын айтқан.
Го Цзякунь «әлемде бір ғана Қытай бар, Тайвань — Қытай аумағының ажырамас бөлігі» деп мәлімдеді. Оның айтуынша, Қытай дипломатиялық қатынас орнатқан елдердің Тайвань әкімшілігімен ресми байланыс жасауына қарсы.
Қытай өкілі құрылған топ Панаманың «біртұтас Қытай» қағидатын ұстануына қайшы екенін айтты. Ол Панама үкіметін осы қағидатты сақтап, Қытай-Панама қатынастарының саяси негізін қорғауға шақырды.
Сондай-ақ Қытай АҚШ-ты «біртұтас Қытай» қағидатын және Қытай мен АҚШ-тың үш бірлескен коммюникесін сақтауға, Тайвань тәуелсіздігін жақтаушыларға қате белгі бермеуге шақырды.
