11 қарашада ҰҚК Сыбайлас жемқорлыққа қарсы іс-қимыл қызметі «Самұрық-Қазына» АҚ басқарма төрағасы Н.Жақыповты және «ҚТЖ» ҰК» АҚ басқарма төрағасы Е. Отынышевті, сондай-ақ басқа адамдарды ұстады. Тергеу амалдары жүргізіліп жатыр.
Бергамодағы тұрғын үйде болған жарылысқа қатысы бар деген 55 жастағы ер адам ұсталды. Тергеу дерегінше, ол әйелімен бірге газ жүйесін өзгерткен; екеуінің де жағдайы ауыр.
Қаржылық мониторинг агенттігінің Алматы қаласы бойынша департаменті ғылыми әзірлемелерді коммерцияландыруға бөлінген қаражатты жымқыру ісі бойынша тергеуді аяқтады. Тергеу дерегінше, жалпы шығын 945 млн теңге болған.
Оралда той кортежіндегі екі көліктің люгінен шығып, артта келе жатқан машиналарды түсірген жастар әкімшілік жауапкершілікке тартылды. Көліктердің тіркелмегені анықталып, арнайы тұраққа қойылды.
Польша Ішкі қауіпсіздік агенттігі Ресей арнайы қызметтерінің тапсырмасымен тыңшылық және диверсия жасады деген күдікпен Украинаның екі азаматын ұстады. Сот оларды үш айға қамауға алды.
Невада Жоғарғы соты Тупак Шакурдың өліміне қатысты іс бойынша Дуэйн «Кеффе Ди» Дэвистің апелляциясын қабылдады. Оның адвокаты Майкл Санфт қайтыс болғаннан кейін Дэвис әзірге өкілсіз қалды.
Қырғызстанда 14 жастағы Әмір Кунакуновтың «Ала-Арча» ұлттық табиғи паркінде қаза болуына байланысты тексеру жүргізілді. ТЖМ-нің бірқатар лауазымды қызметкері қызметінен босатылып, министрге қатаң сөгіс жарияланды.
Германия кедені Хюккельховен маңында көлікті тексерген кезде 30 560 еуро қолма-қол ақша тапты. Қызметкерлер оның 30 000 еуросын уақытша тәркілеп, ақшаны дұрыс мәлімдемегені үшін әкімшілік іс қозғады.
Арменияның бас прокуроры Анна Вардапетян Қытайдың құзырлы органының өтінішін қанағаттандырды. Іздеуде жүрген Ю.П. мемлекеттік шекараны басқа адамдардың заңсыз кесіп өтуін ұйымдастырды деп айыпталып отыр.
«Сырым» ветеринариялық бақылау бекетінде Ресейден Қазақстанға жеткізіліп жатқан 605 мың тауық жұмыртқасы таңбалау талаптарын бұзғаны үшін кері қайтарылды. Жүргізушілерге әкімшілік хаттамалар толтырылып, айыппұл салынды.
Аргентинаның Росарио қаласында есірткі таратумен айналысқан топқа байланысты 31 тінту жүргізілді. Бес адам ұсталды, олардың арасында кәмелетке толмаған екі жасөспірім бар.
Қаржылық мониторинг агенттігінің Солтүстік Қазақстан облысы бойынша департаменті «Қызыл-Жар СҚ» футбол клубының бұрынғы президентін мемлекетаралық іздеуге жариялады. Тергеу дерегінше, күдікті жалған қаржылық құжаттарды пайдаланған.
Бразилия федералдық полициясы Белем жағалауында кемемен тасымалданған төрт тоннаға жуық акула жүзбеқанатын тәркіледі. Төрт экипаж мүшесі қылмыс үстінде ұсталды.
