Қазақстанның Даму Банкі 12 қарашада Қазақстан қор биржасында (KASE) KZ2C00010346 (BRKZb36) облигацияларын орналастырып, 100 млрд теңге тартты. Облигациялардың айналыс мерзімі — 2026 жылғы 12 қарашадан 2033 жылғы 12 қарашаға дейін, купондық мөлшерлемесі жылдық 15,60%.
Орналастыруға сұраныс ұсыныстан 125,9% асып, белсенді өтінімдер көлемі 125,877 млрд теңгені құрады. Саудаға тоғыз қатысушыдан 31 өтінім түсті, оның 22-сі белсенді болды.
Сауда нәтижесінде 20 өтінім толық қанағаттандырылды. Облигацияларды негізінен өзге институционалдық инвесторлар сатып алды — орналастыру көлемінің 72,8%-ы. Қалған бөліктің 5%-ын банктер, 1%-ын брокерлік-дилерлік ұйымдар, 21,2%-ын өзге заңды тұлғалар алды; жеке тұлғалардың үлесі 0,1%-дан аз болды.
