Димаш Құдайбергеннің әр концертінде қазақ тіліндегі танымал әндерге арнайы бөлім беріледі. Әнші олар арқылы Қазақстанның мәдениеті, қазақ тілі және ұлттық дәстүрлерін таныстырады.
Меридадағы концертте Dears «Aqerke» әніне арнап ақ қатпарлы қағаздан жүрекшелер жасап, әуен ырғағымен тербетті. Димаш жанкүйерлеріне алғыс айтып, Латын Америкасына келуді бала кезінен армандағанын жеткізді және оларды Қазақстанға қонаққа шақырды.
2025 жылдың жазында алғаш рет орындалған «TAU ISHSINDE» әнін жанкүйерлер әр концертте Димашпен бірге шырқайды. Ән аяқталған соң көрермендер оны хормен жалғастырған.
