Қазақстанның Ішкі істер министрлігі SIM-карталарды тіркеу және бөгде адамдар үшін WhatsApp аккаунттарын ашу арқылы оңай ақша табуды ұсынатындарға қатысты ескертті.
Ведомствоның мәліметінше, алаяқтар жасөспірімдер мен жастарға SIM-карта сатып алып, оны өз атына рәсімдеуді, WhatsApp аккаунтын ашуды және растау кодтары мен кіру деректерін беруді ұсынуы мүмкін. Оның орнына ақша уәде етеді.
Мұндай нөмірлер мен аккаунттар азаматтарды алдау, ақша ұрлау, зиянды сілтемелер тарату және жалған профильдер ашу үшін пайдаланылуы мүмкін.
