Абай облысының әкімі Берік Уәли Семейдегі жекпе-жек сарайы мен стадионның құрылыс алаңдарын аралады. Нысандар Мемлекет басшысы Қасым-Жомарт Тоқаевтың қолдауымен қолға алынған «Абайға құрмет» акциясы аясында салынып жатыр.
Семейдің сол жағалауындағы жекпе-жек сарайы Ақтөбе облысының қолдауымен бой көтеруде. Екі қабатты ғимараттың жалпы ауданы 6 683 шаршы метр болады, кешен бір мезетте 1 000 адамға арналған.
Жоба бойынша күрес және бокс жарыстарына арналған залдың ауданы 1 860,28 шаршы метрді құрайды. Сондай-ақ 795,54 шаршы метрлік үлкен жаттығу залы, балаларға арналған 293,17 шаршы метрлік шағын зал және дәл сондай тағы бір жаттығу залы болады.
