4 қарашада Түркістан облысының Арыс қаласында «Қазтехнологии» АҚ-ға оқ-дәрілерді кәдеге жаратуға арналған арнайы жабдық тапсырылды. Кәсіпорын «Қазақстан инжиниринг» ҰК» АҚ компаниялар тобына кіреді.
Жоба ITF Enhancing Human Security халықаралық гуманитарлық ұйымының қаржылық қолдауымен және жәрдемдесуімен іске асырылды. Жабдықтың бір бөлігі отандық «Калкан-7» ЖШС өндірістік базасында жасалған.
Жаңа жабдық кәсіпорынның ескірген оқ-дәрілердің әртүрлі түрлерін кәдеге жарату мүмкіндігін кеңейтуге, технологиялық үдерістердің тиімділігін арттыруға және өнеркәсіптік қауіпсіздікті қамтамасыз етуге бағытталған.
