2026 жылғы 9 қазанда Тәжікстан Республикасының көлік министрі Азим Иброхим Жапонияның Тәжікстандағы Төтенше және Өкілетті елшісі Кейко Фурутамен кездесті. Тараптар екі елдің жол-көлік саласындағы байланыстарының жай-күйі және ынтымақтастықты дамыту мүмкіндіктері туралы сөйлесті.
Кездесуде Тәжікстан мен Жапонияның жол-көлік саласындағы бірлескен жұмысы аталып өтті. Жапония үкіметінің қолдауымен ширек ғасырда Тәжікстанда 35 ірі жоба іске асырылған. Олардың 12-сі Жапонияның халықаралық ынтымақтастық агенттігі (JICA) арқылы жүзеге асып, жолдар мен көпірлер салуды және техникалық сараптауды, жол қызметіне арналған техника сатып алуды, сала қызметкерлеріне оқу курстарын өткізуді қамтыған.
Тараптар Кофарнихон өзені арқылы өтетін жаңа көпір құрылысының жобасын да талқылады. Ол «Душанбе – Куляб – Хорог – Кульма» автожолының 19+800-шақырымында орналасқан және JICA қаржылық қолдауымен іске асырылып жатыр. Жобаның техникалық-экономикалық негіздемесін әзірлеуді жапониялық CTII компаниясы аяқтап келеді.
