Ұлыбритания Украинаға қыс бойы және қажет болғанша қолдау көрсететінін мәлімдеді. Бұл туралы Ұлыбританияның БҰҰ жанындағы тұрақты өкілі Сара Макинтош Украина мәселесіне арналған Қауіпсіздік Кеңесінің отырысында айтты.
Макинтоштың сөзінше, 30 қазанда Ресей дроны Днепрдегі теміржол вокзалына соққы жасап, кемінде 15 бейбіт тұрғын қаза тапқан, тағы 14 адам жараланған. 2 қарашада Запорожье облысындағы көмек орталығы ретінде жұмыс істеген мектепке Ресей бомбалары түскен. Шабуылдан кемінде 55 украиналық бейбіт тұрғын қаза тауып, бұл соғыс барысындағы ең көп адам өлген шабуылдардың біріне айналған.
7 қарашада Ресей дрондары мен зымырандары азаматтық энергетика және басқа да инфрақұрылым нысандарына, соның ішінде Киевтің солтүстігіндегі көпірге соққы жасаған. Ал 8 қарашадағы шабуылдардан тағы жеті украиналық бейбіт тұрғын қаза тапқан. Соңғы төрт айда осындай соққылардан 1 540-тан астам бейбіт тұрғын көз жұмған.
