Полиция дронның көмегімен тұтас жолақ сызығын кесіп өтіп, қарсы қозғалыс жолағына шыққан Audi A6 жүргізушісін анықтады.
Оқиға Түркістан облысының Төлеби ауданында тіркелді. Жиналған материалдар сотқа жолданып, сот жүргізушіні алты айға көлік құралдарын басқару құқығынан айырды. Бұл әуе мониторингі кезінде анықталған өрескел заңбұзушылықтардың бірі болды.
Жалпы Төлеби ауданында дрондар қолданылған рейдтік-профилактикалық шаралар барысында жол қозғалысы ережелерін бұзудың 80-нен астам дерегі тіркелді.
