Еуразиялық даму банкі (ЕАБР) және ForteBank Қазақстандағы инвестициялық жобаларды синдикатталған қаржыландыру бойынша бірлесіп жұмыс істеу туралы меморандумға қол қойды. Қол қою рәсімі 10 қарашада Абу-Дабиде өтті.
Меморандум ЕАБР-дің Абу-Дабидің халықаралық қаржы орталығындағы (ADGM) кеңсесінің ашылуына арналған іс-шара аясында жасалды. Оған Біріккен Араб Әмірліктері Қаржы министрлігінің өкілдері қатысты.
Тараптар инвестициялық жобаларды, соның ішінде синдикаттар құру арқылы, бірлесіп қаржыландыру мүмкіндіктерін қарастыруды жоспарлап отыр.
ЕАБР басқарма төрағасының орынбасары Руслан Даленовтің айтуынша, ForteBank-пен әріптестік банктердің ресурстары мен сараптамасын біріктіріп, Қазақстандағы маңызды инвестициялық жобаларды қаржыландыруға мүмкіндік береді. Синдикатталған кредиттеуді дамыту ел экономикасына ұзақ мерзімді капитал тартуды кеңейтеді.
ForteBank басқарма төрағасы Талғат Қуанышев бірлескен ресурстар мен сараптама ірі инвестициялық жобаларды қаржыландыру мүмкіндігін арттыратынын атап өтті.
Банктердің ірі жобаларды бірге қаржыландыру тәжірибесі бар: ЕАБР және ForteBank Bank of America ұйымдастырған Алматы халықаралық әуежайын дамытуға арналған синдикатталған кредитке қатысқан.
