Ресейлік жауынгер Артем Фролов 30 қазанда Душанбеде өтетін ACA 209 турнирінің басты жекпе-жегі — Фаридун Одиловпен кездесуге дайындығы туралы айтты. Фролов жергілікті жанкүйерлердің қолдауы қарсыласына қосымша қысым түсіреді деп есептейді.
«Душанбеде қандай атмосфера болатынын елестетемін. Меніңше, ол маған күш береді. Фаридун да дәл сондай жағдайда болады, бірақ оған жеңу керек. Өз жерлестерінің алдында жеңілгісі келмейді ғой. Жерлестерінің алдында оның жауапкершілігі көбірек», — деді Фролов.
Оның айтуынша, алдағы жекпе-жек өзі үшін сынақ болады. «Мен ол жаққа барып, қолымнан келеді деп ойлаймын. Оның қалай өнер көрсететінін көрейік. Одилов менен ешбір қырынан артық емес. Мен жеңу үшін барамын», — деді жауынгер.
