2026 жылғы қазанның соңында KASE сауда тізімдерінде 72 эмитенттің 85 атаудағы акциясы болды. Оның ішінде екі эмитенттің екі атаудағы акциясы «Листингтен тыс бағалы қағаздар» секторында айналымға жіберілген.
Ай қорытындысында акциялар нарығының капитализациясы 48,0 трлн теңге (105,7 млрд доллар) болды. Бұл қыркүйектегі көрсеткіштен 0,1 трлн теңгеге немесе 0,1%-ға төмен.
Қазанда акциялар саудасының көлемі 45,5 млрд теңгені құрап, қыркүйекпен салыстырғанда 2,1 есе, яғни 23,6 млрд теңгеге өсті. Орташа күндік сауда көлемі 2,2 млрд теңге, ал орташа күндік мәміле саны 7 643 болды. Сауда тек қайталама нарықта өтті.
Қайталама нарықта жеке тұлғалар ең белсенді болды: акциялар саудасының жалпы айналымындағы үлесі 47,1%-ды құрады. Брокерлік-дилерлік ұйымдардың үлесі — 24,8%, өзге заңды тұлғалардыкі — 23,9%, басқа институционалдық инвесторлардікі — 4,3%, банктердікі — 0,0%. Резидент еместердің үлесі 9,5% болды.
KASE индексі қазанда 1,55%-ға өсіп, ай соңында 7 916,32 пунктке жетті. Индекстік акциялармен жасалған мәмілелер көлемі 21,8 млрд теңге болды — қыркүйектегіден 1,3 млрд теңгеге артық.
Индекстік акциялар арасында сауда көлемі бойынша бірінші орында «Қазақстан Халық Банкі» АҚ-ның жай акциялары тұрды: 5,0 млрд теңге, яғни осы акциялармен сауда көлемінің 22,9%-ы.
