БҰҰ-ның Климаттың өзгеруі туралы негіздемелік конвенциясы тараптарының 31-конференциясында Қазақстанның ұлттық павильоны мәдени бағдарламасымен де көзге түсті. Конференция Түркияның Анталья қаласында өтіп жатыр.
Қазақтың ұлттық киімін киген екі қыз павильонға келушілерді қарсы алады. Бес күн қатарынан конференция қонақтары, шетелдік делегациялар және көрші павильондардың өкілдері олармен суретке түсу үшін тоқтап жүр. Суретке түскісі келетіндер көп болғандықтан, павильон алдында кезек пайда болған.
Суреттерде жиі көрінетін қыздар — павильон жұмысына ерікті ретінде қатысып жүрген қазақстандық студенттер Райхан Вильямис пен Айзере Маханбет.
