Ақтөбе қаласындағы «Достық» су спорт түрлері бойынша облыстық балалар-жасөспірімдер спорт мектебінде 2008 жылы туған және одан кіші ұлдар мен қыздар арасында жүзуден Қазақстан чемпионаты өтіп жатыр.
Республикалық жарысқа еліміздің облыстарынан, сондай-ақ Астана, Алматы және Шымкент қалаларынан 27 команда құрамында 334 спортшы қатысуда. Олардың 199-ы — ұл, 135-і — қыз.
Чемпионаттың ашылу рәсіміне Ақтөбе облысының дене шынықтыру, спорт және туризм басқармасының басшысы Мейрамбек Махамбетов және Қазақстан Республикасының жүзуден мемлекеттік жаттықтырушысы Андрей Гершевич қатысты.
