Қазақстанда жаттықтырушылардың кәсіби біліктілігін арттыру жұмысы жалғасып жатыр. Дене шынықтыру және спорт жөніндегі республикалық оқу-әдістемелік және талдау орталығының мәліметінше, 2026 жылғы 9 ақпан мен 21 қыркүйек аралығында ел өңірлерінде 21 курс ұйымдастырылып, 5 863 жаттықтырушы-оқытушы білім алған.
Бағдарлама олимпиадалық және олимпиадалық емес спорт түрлерін қамтыды. Курстардан бокс, күрес түрлері, дзюдо, футбол, волейбол, баскетбол, жеңіл атлетика, жүзу, таэквондо, гимнастика, ауыр атлетика және басқа спорт бағыттарының мамандары өтті.
Қолданыстағы талаптарға сәйкес, жаттықтырушы-оқытушылар кемінде бес жылда бір рет біліктілігін арттыруы керек. Оқу кәсіби білімді жаңартуға, заманауи жаттығу әдістерін меңгеруге және спортшыларды даярлау тәсілдерін жетілдіруге мүмкіндік береді.
