Польша премьер-министрі Дональд Туск Краковтағы атыстан кейін қызметтермен және әкімшілік өкілдерімен кеңес өткізді. Ол алты адамның қаза тауып, 16 адамның жараланғанын, олардың арасында шабуыл жасаған адам да бар екенін айтты.
Польша азаматы, 24 жастағы ер адам сенбі күні көлікпен Краковтағы Ескі базар алаңына кіріп, адамдарға оқ атқан. Полиция оны атып жаралап, ұстады. Жараланғандар қаладағы медициналық мекемелерге жеткізілді, олардың арасында шетел азаматтары да бар.
Оқиға орнына полицияның 30 тобы жіберілді. Оқ атыс кезінде екі полиция қызметкері ауыр жарақат алып, отадан кейін ауыр жағдайда жатыр. Құтқару жұмыстарына мемлекеттік өрт сөндіру қызметінің 24 бөлімшесі мен 62 құтқарушы қатысты.
Күдіктінің үйін тінту кезінде тағы үш адамның — екі әйел мен бір ер адамның мәйіті табылды. Олар күдіктінің жақын туыстары болуы мүмкін. Тергеу амалдарына жеті прокурор, полиция және арнайы қызметтер қатысып жатыр.
Қаза тапқандардың арасында төрт әйел мен екі ер адам бар. Үш поляк әйел мен Ұлыбритания азаматының қаза болғаны расталды, тағы екі адамның кім екені анықталған жоқ. Қалада оқиғадан зардап шеккендерге психологиялық көмек көрсетілуде.
Туск полиция қызметкерлерінің, құтқарушылардың және зардап шеккендерге көмектескен куәгерлердің әрекетін атап өтті. Ол тек оқиға орнында жұмыс істеп жатқан мекемелердің ресми ақпараттарына сүйенуге шақырды. Польшада 8 және 9 қараша күндері ұлттық аза тұту жарияланды.
