14 қазанда Түрікменстан сыртқы істер министрі Рашид Мередов Еуропалық одақтың Орталық Азия жөніндегі арнаулы өкілі Эдуардс Стипрайспен кездесті.
Тараптар Түрікменстан мен Еуропа арасындағы ынтымақтастықтың өзекті мәселелері және оны дамыту бағыттары жөнінде пікір алмасты. Әңгіме барысында саяси-дипломатиялық байланысты нығайту, екіжақты және өңірлік тетіктер аясындағы қатынастарды жандандыру, сауда-экономикалық ынтымақтастықты кеңейту мәселелері қаралды.
Кездесуде көлік, энергетика, қоршаған ортаны қорғау және кәсіби мамандар даярлау салаларындағы өзара іс-қимыл перспективалары да талқыланды.
