Ұлытау облысында 19 жасқа дейінгі спортшылар арасындағы бокстан әлем чемпионатының жүлдегерлері Владислав Саможонов пен Индира Кыдырмолдаеваны салтанатты түрде қарсы алды.
16–27 қазан аралығында Черногорияның Будва қаласында өткен әлем біріншілігінде Ұлытау облысының спортшылары екі медаль жеңіп алды. Владислав Саможонов 90 келіден жоғары салмақта күміс жүлдегер атанса, Индира Кыдырмолдаева 60 келіге дейінгі салмақта қола медаль иеленді.
Қарсы алу рәсімінде Ұлытау облысының дене шынықтыру және спорт басқармасы басшысының міндетін атқарушы Елдос Абдраев спортшылардың жетістігін өңір спорты үшін тарихи оқиға деп атады. Ол боксшыларды құттықтап, алдағы жарыстарда табыс тіледі және жаттықтырушыларға алғыс айтты.
