50 Cent Instagram парақшасында Шон Комбсты, яғни Диддиді, 57 жасқа толуымен құттықтап, түрмеде отырған адамның суретін жариялады. Рэпер жазбасында оған «тағы көп туған күн» тілеп, қалжыңға айналдырды.
Дидди 4 қараша, сәрсенбі күні 57 жасқа толды. Жарияланған суреттің шынайы екені белгісіз.
Billboard жазуынша, 50 Cent былтыр да әлеуметтік желіде Диддиді туған күнімен құттықтаған. Қазан айында ол Jimmy Kimmel Live! бағдарламасына қатысып, Диддидің түрмеде өзі туралы деректі сериалды көргені жөніндегі хабарларға пікір білдірген.
