31 тамызда Әзербайжан Республикасының премьер-министрі Әли Асадов Олжас Бектеновке Қазақстан Республикасының премьер-министрі қызметіне қайта тағайындалуына байланысты құттықтау хатын жолдады.
Хатта Әзербайжан мен Қазақстан арасындағы қазіргі жоғары деңгейдегі қарым-қатынас ортақ тарихы, рухани және мәдени құндылықтары жақын екі елдің бауырлас халықтарының еркін білдіретіні айтылған.
Саяси диалогтың өзара сенім мен қолдауға негізделіп, сауда-экономикалық, инвестициялық, көлік, энергетика, гуманитарлық және басқа салалардағы ынтымақтастықтың бірізді кеңеюі екі ел серіктестігінің стратегиялық сипатын көрсететіні атап өтілген.
