Қытай Сыртқы істер министрлігі Парагвайдың коммуникациялар және технологиялар министрі Вильяте мен Белиздің сыртқы істер, сыртқы сауда, білім, мәдениет, ғылым және технология министрі Фонсекаға қарсы шара қолдану туралы шешімін жариялады. Бұл туралы министрлік 12 қазанда хабарлады.
Сол күні Сыртқы істер министрлігінің баспасөз хатшысы Мао Нин брифингте Қытайдың «Тайвань тәуелсіздігін» қолдаушыларға қатысты барлық қажетті жазалау шараларын қолданатынын айтты.
Мао Ниннің сөзінше, Парагвай мен Белиздің жекелеген саясаткерлері Тайвань әкімшілігінің мүддесіне қызмет етіп, Тайваньға барған және «Тайвань тәуелсіздігін» жақтаушыларды қабылдаған. Ол мұны Қытайдың ішкі ісіне араласу, сондай-ақ Қытайдың кибершабуылдары туралы жалған ақпарат таратып, елге жала жабу деп атады.
