4 қарашада Қытайдың Тайвань істері жөніндегі мемлекеттік кеңсесінің баспасөз мәслихатында журналист Тайваньның Құрлық істері жөніндегі кеңесінің «қазір Тайвань тәуелсіздігі мәселесі жоқ, тек мәжбүрлі бірігуге қарсы болу мәселесі бар» деген пікіріне қатысты түсініктеме сұрады.
Кеңсе өкілі Чжу Фэнлянь әлемде бір ғана Қытай бар екенін және Тайвань Қытай аумағының ажырамас бөлігі екенін айтты. Оның сөзінше, Қытайды толық біріктіру — барлық қытайлықтардың ортақ тілегі.
Чжу Фэнлянь «Тайвань тәуелсіздігі» жолындағы бөлінушілік әрекеттер Тайвань бұғазындағы бейбітшілік пен тұрақтылыққа ең үлкен қауіп төндіріп отырғанын мәлімдеді. Ол Демократиялық прогрессивті партияны екі жақ арасындағы байланысқа кедергі келтіріп, қарсыластықты қоздырып отыр деп айыптады.
