Christie’s 1 қарашада Әбу-Дабидегі The Abu Dhabi EDITION қонақүйінде MAWASIM: 20 Years of Modern and Contemporary Middle Eastern Art аукционын өткізді. Саудадан түскен сома 8 940 800 доллар болды. Бұл қалада өткен алғашқы бейнелеу өнері аукционы әрі Christie’s-тің БАӘ-дегі алғашқы саудасының 20 жылдығына орайластырылды.
Аукционда Таяу Шығыс және Солтүстік Африка суретшілерінің жұмыстары ұсынылды. Christie’s мәліметінше, бұл компанияның заманауи және қазіргі заманғы Таяу Шығыс өнеріне арналған кешкі саудасындағы он жылдан астам уақыттағы ең жоғары нәтиже болды. Қатысушылардың 30 пайыздан астамы миллениалдар мен Z буыны өкілдері, ал 37 пайызы Christie’s-ке алғаш рет қатысқандар болды.
Сауданың ең жоғары бағасына Монир Шахрудий Фарманфармаянның 2006 жылғы Variations on the Hexagon жұмысы жетті: ол 844 800 долларға сатылды. Жұмысқа жеті минутқа жуық бәсекелі сауда жүрді, бағалау құны 150 000–250 000 доллар болған.
