Ауғанстанның Сар-е-Поль провинциясындағы Имамзаде Яхья ибн Зайд Шәһид тарихи кесенесінің айналасына қорғаныс қабырғасын салу жұмыстары басталды. Жоба құны 300 мың ауғаниден асады.
Қабырғаның ұзындығы 70 метр, биіктігі 2,5 метр болады. Құрылыс басталуына арналған рәсімге Сар-е-Поль провинциясының Ақпарат және мәдениет департаментінің басшысы Мәуләуи Абдул Ғаффар Хақнама, жергілікті мекемелердің өкілдері және тұрғындар қатысты.
Хақнама кесенені қорғау жобасын маңызды қадам деп атап, бастаманы қолдаған донорға алғыс білдірді. Ол құрылыс және қалпына келтіру кезінде ислам сәулетінің қағидаларын ұстанып, тарихи мұра нысандарының құндылығын құрметтеу қажет екенін айтты.
