Қызылорда облысында заңсыз криптоайырбас ұйымдастырған және қылмыстық кірісті заңдастырған адамдар сотталды. Бұл туралы Қазақстанның Қаржылық мониторинг агенттігі хабарлады.
Тергеу дерегінше, олар Binance P2P платформасы арқылы, Астана халықаралық қаржы орталығының сауда алаңдарынан тыс және тиісті рұқсатсыз криптовалютамен заңсыз сауда жасаған. Нәтижесінде 1 млрд теңгеден астам цифрлық актив сатылып, заңсыз айырбастан түскен табыс 178 млн теңгені құраған.
Сотталғандардың бірі есірткі сатудан түскен ақшаны заңдастырған. Ақшаны қабылдап, аудару үшін банк шоттарын ұсынған дропперлер тартылған. Мұндай аударымдардың жалпы сомасы 600 млн теңгеден асты.
