Техас штатындағы Остин қаласында өткен сайлау кешінде демократ Джеймс Таларико сенатор болып сайланды. Ол Дональд Трамп қолдаған Кен Пакстоннан басым түсті. Артынша телеарналар Джина Хинохосаның үш мерзім бойы губернатор болған республикашыл Грег Эбботты жеңгенін жариялады.
Талариконың штаб-пәтерінде бірнеше мың адам жеңісті қуанышпен атап өтті. Қолдаушылар «АҚШ» деп ұрандап, кейін испан тіліндегі «Иә, қолымыздан келеді» деген мағынаны білдіретін «Sí se puede» сөздерін айтты. Бұл ұран Техастағы испантілді халыққа және штаттың алғашқы латынамерикалық губернаторына ишара болды.
Сайлау алдында сауалнамалар Талариконың басымдығын көрсеткенімен, штаттағы республикашылдардың ұзақ жылғы үстемдігіне байланысты нәтиже тартысты болады деп күтілген. Соңғы 30 жылда Техас саясатында республикашылдар басым болып келген.
