Димаш Құдайбергеннің Испаниядағы ресми фан-клубы атынан жұмыс істейтін La Gran Voz Kazaja қауымдастығы APASCIDE ұйымының Santa Ángela de la Cruz орталығына 3 000 еуро бөлді. Орталық есту және көру қабілеті қатар бұзылған адамдарға көмектеседі.
Қайырымдылық бастамасы әншінің 30 қазанда Мадридте өтетін DIMENSIONS әлемдік туры аясындағы концерті қарсаңында ұйымдастырылды. Фан-клуб өкілдері бұл шешімге Димаштың игі істері мен өзгелерге қолдау көрсетуге үндейтін өнегесі түрткі болғанын айтты.
La Gran Voz Kazaja өкілдері орталыққа барып, оның қызметкерлерімен және қамқорлығындағы адамдармен кездесті. Олар мекеменің жұмысымен және есту әрі көру қабілетінен қатар айырылған адамдарға күнделікті көрсетілетін күтім мен қолдау шараларымен танысты.
