Германия мен Түркияның бастамасымен Ыстамбұлда сегіз елдің сыртқы істер министрлері алғаш рет кездесті. Қатысушылар еркін кеме қатынасын қамтамасыз ету және Иран мен Йеменге қатысты қақтығыстарды талқылады.
Кездесуге Германия, Франция, Ұлыбритания, Италия, Түркия, Мысыр, Пәкістан және Сауд Арабиясының өкілдері қатысты. Германияның сыртқы істер министрі Йоханн Вадефульдің айтуынша, теңіз жолдарына төнген қауіп тасымал құнын өсіріп, жеткізілім тізбегіне және күнделікті қажетті тауарлардың қолжетімділігіне әсер етеді.
Германия Сыртқы істер министрлігінің мәліметінше, шиеленіс әсіресе Қызыл теңіздегі Баб әл-Мандаб бұғазы мен Иран және Оман арасындағы Ормуз бұғазында күшейген. 2026 жылғы шілдеден бері Йемендегі хуситтер кемелерге және Сауд Арабиясындағы нысандарға шабуылдарын күшейтіп, Сауд Арабиясымен байланысты кемелердің Қызыл теңізге кіріп-шығуына кедергі жасап келеді.
