29–30 қазанда Минскіде XIII «Кітапхана мәдениет феномені ретінде» халықаралық конгресі өтіп жатыр. Іс-шара аясында Қазақстан Республикасының Ұлттық академиялық кітапханасы мен Беларусь ұлттық кітапханасы стратегиялық ынтымақтастық туралы меморандумға қол қойды.
Құжат кітап және ақпарат ресурстарымен алмасуды, бірлескен көрмелер мен жобалар өткізуді, сондай-ақ мамандар арасында кәсіби тәжірибе алмасуды қарастырады.
Пленарлық отырыста Қазақстан Республикасының Ұлттық академиялық кітапханасының директоры Күміс Сейітова «Оқу мәдениетін дамытудағы және оқырман ұлтын қалыптастырудағы кітапханалардың рөлі: Қазақстан тәжірибесі» тақырыбында баяндама жасады.
