Саяси консультациялардың екінші раунды 29 қазанда Кувейт Мемлекетінде өтті. Қазақстан делегациясын Қазақстан Республикасы Сыртқы істер министрінің орынбасары Арман Исагалиев, Кувейт делегациясын Азия мәселелері жөніндегі Сыртқы істер министрінің көмекшісі Науаф Абдулатиф Аль-Ахмад басқарды.
Тараптар екіжақты қатынастардың жай-күйі мен даму перспективаларын талқылап, саяси диалог пен практикалық ынтымақтастықты нығайтуға мүдделі екенін растады. Жоғары және жоғары деңгейдегі байланыстарды жандандыруға, өзара сапарларды ілгерілетуге ерекше назар аударылды.
Сауда-экономикалық ынтымақтастық саласында тараптар Қазақстан-Кувейт сауда-экономикалық ынтымақтастық жөніндегі бірлескен үкіметаралық комиссиясының төртінші отырысын өткізу туралы уағдаластықты растады. Сондай-ақ өзара тауар айналымын ұлғайту және инвестициялық байланыстарды кеңейту перспективаларын қарастырды.
Кувейттің мемлекеттік органдары мен қаржы-инвестициялық институттарының өкілдері Қазақстанмен сауда-экономикалық және инвестициялық байланыстарды дамытуға мүдделі екенін айтты. Қазақстан тарапы елдің Кувейт үшін азық-түлік қауіпсіздігі саласындағы сенімді серіктес болу әлеуетін атап өтіп, ауыл шаруашылығы және азық-түлік өнімдерін ұзақ мерзімді жеткізуді кеңейтуге дайын екенін білдірді.
Тараптар Кувейттің Араб экономикалық даму қорымен (KFAED) және басқа да қаржы институттарымен инвестициялық ынтымақтастықты кеңейту мәселесін талқылады. Екіжақты құжаттарды келісу және қол қоюға дайындау жұмысын жандандыруға келісті.
Кездесуде өңірлік және халықаралық күн тәртібі, сондай-ақ халықаралық және өңірлік ұйымдар аясындағы ынтымақтастық мәселелері де қаралды. Тараптар сыртқы істер министрліктері арасындағы тұрақты диалогты жалғастыруға және консультациялардың келесі раундын Астанада өткізуге келісті.
