Қазақстан Республикасы Ғылым және жоғары білім министрлігі NVIDIA компаниясымен Deep Learning Institute (DLI) бағдарламасы аясында жұмыс істейді. Бағдарлама оқытушыларды даярлау және сертификаттауды, сондай-ақ студенттердің жасанды интеллект саласындағы құзыреттерін дамытуды көздейді.
2026 жылғы 23 қазанда NVIDIA негізін қалаушы әрі бас директоры Дженсен Хуангтың Қазақстанға сапары аясында ынтымақтастықты кеңейту қажеттігі айтылып, елде өңірлік NVIDIA Physical AI Hub құру ұсынылды. Бастама университеттер мен өнеркәсіптік серіктестерді біріктіріп, кадрлар даярлауға және физикалық жасанды интеллект саласындағы қолданбалы шешімдерді дамытуға бағытталған.
Алғашқы кезеңде Қазақстанның жоғары оқу орындарына NVIDIA DLI курстарына, оқу материалдарына және сертификаттаумен аяқталатын практикалық сабақтарға қолжетімділік беру ұсынылып отыр. Бағдарлама оқытушыларды тегін сертификаттауды және академиялық ортаға арналған оқу семинарларын қамтиды.
