Қазақстан мен Беларусь ынтымақтастық жоспарына қол қойды

Қазақстан мен Беларусь стратегиялық әріптестікті нығайтуға ниетті екенін растады

Минскіде екі елдің сыртқы істер министрліктері 2027–2028 жылдарға арналған ынтымақтастық жоспарына қол қойды.

Қазақстан мен Беларусь саяси диалогты жалғастырып, өзара тиімді ынтымақтастықты кеңейтуге ниетті екенін растады. Минскіде сыртқы істер министрліктерінің 2027–2028 жылдарға арналған ынтымақтастық жоспары бекітілді.

Қазақстан Сыртқы істер министрінің орынбасары Ермұхамбет Қоныспаев 4 қарашада Минскіде Беларусь сыртқы істер министрі Максим Рыженковпен кездесті.

Кездесуде тараптар Қазақстан мен Беларусь арасындағы қатынастардың дамуын атап өтіп, саяси диалогты нығайтуға және екіжақты күн тәртібінің барлық бағыты бойынша өзара тиімді ынтымақтастықты кеңейтуге мүдделі екенін растады.

Сол күні Беларусь Сыртқы істер министрлігінде Қазақстан мен Беларусь сыртқы істер министрлерінің орынбасарлары Ермұхамбет Қоныспаев пен Павел Утюпин деңгейінде саяси консультациялар өтті.

Тараптар екіжақты және көпжақты форматтардағы ынтымақтастықтың қазіргі жай-күйі мен даму перспективаларын талқылап, өңірлік интеграциялық бірлестіктер және басқа халықаралық ұйымдар аясындағы өзара іс-қимыл жөнінде пікір алмасты.

Консультациялар қорытындысы бойынша Қазақстан мен Беларусь сыртқы істер министрліктерінің 2027–2028 жылдарға арналған ынтымақтастық жоспарына қол қойылды. Тараптар стратегиялық әріптестікті нығайту үшін сыртқы саяси ведомстволар арасындағы тығыз байланысты жалғастыруға дайын екенін растады.

Қазақстан мен Беларусь стратегиялық әріптестікті нығайтуға ниетті екенін растады

Осыны да оқыңыз

Қазақстан мен Лихтенштейн ынтымақтастықты тереңдетеді

Ердоған Пезешкиянмен кездесті

Ердоған Абий Ахмедпен кездесті

Италия мен Ұлыбритания ынтымақтастықты талқылады