2026 жылғы 6 қарашада Бішкекте Орталық Азия елдерінің Ауғанстан жөніндегі арнайы өкілдерінің Өңірлік байланыс тобының екінші отырысы өтті. Оған Қазақстан Сыртқы істер министрлігінің Ерекше тапсырмалар жөніндегі елшісі Ержан Кистафин қатысты.
Қазақстан тарапы Ауғанстанда бейбітшілік, қауіпсіздік және тұрақты дамуға жәрдемдесу үшін Орталық Азия мемлекеттерінің күш-жігерін одан әрі біріктіру маңызды екенін атап өтті.
Отырыста Ауғанстанмен сауда-экономикалық, көлік-логистикалық және гуманитарлық ынтымақтастықты кеңейтуге назар аударылды. Өзара тиімді экономикалық байланыстарды дамыту, өзара сабақтастықты нығайту және Ауғанстанды өңірлік экономикалық үдерістерге тартуға ықпал ететін бірлескен жобаларды іске асырудың маңызы айтылды.
