Қазақстанның ішкі істер министрі Ержан Саденов пен Грузияның ішкі істер министрі Сулхан Тамазашвили Астанада кездесті. Кездесу киберқылмысқа қарсы халықаралық конференция аясында өтті.
Министрлер трансұлттық қылмыс пен интернет-алаяқтыққа қарсы іс-қимылды, қылмыскерлерді іздестіруді және көші-қон қауіпсіздігін қамтамасыз етуді талқылады.
Ержан Саденов қылмыстық қудалаудан жасырынып жүрген адамдарды іздестіру және экстрадициялау кезінде грузиялық әріптестерінің жеделдігін жоғары бағалады. Тараптар киберқылмысқа қарсы бөлімшелердің байланысын күшейту, ақпарат алмасу және бірлескен әрекеттерді үйлестіру мәселелерін де қарастырды.
