Мәскеуде Қазақстанның Ресейдегі елшілігінде Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты халыққа Жолдауына арналған дөңгелек үстел өтті.
Қазақстанның Ресейдегі елшісі Дәурен Абаев Жолдау елдегі ауқымды саяси трансформация кезеңінде жарияланғанын айтты. Оның сөзінше, құжат ел тәуелсіздігінің 35 жылдығы атап өтілетін жылы символдық мәнге де ие. Жолдаудағы тезистер Қазақстанның алдағы даму бағыттары мен стратегиялық міндеттерін айқындайды.
Ресей президенті әкімшілігінің стратегиялық әріптестік және ынтымақтастық басқармасы бастығының орынбасары Антон Рыбаков жаңа Конституцияның жалпыхалықтық референдумда қабылдануын халықтың Президент реформаларын қолдағанының көрінісі деп атады. Ол алдағы жылдары саяси және қоғамдық институттармен қатар жолдар мен әлеуметтік нысандар салуға басымдық берілетінін айтты.
