Қазақстан Республикасының Ұлттық музейінде Париждегі Адам музейі мен Францияның Қазақстандағы елшілігінің өкілдерімен кездесу өтті. Тараптар 2027 жылы Парижде өтетін «Тарихқа дейінгі дәуірдегі байлық пен билік» халықаралық көрмесіне дайындықты талқылады.
Көрмеге Адам музейінің, Францияның және Еуропа елдерінің басқа музейлерінің коллекциялары қойылады. Қазақстан атынан Қазақстан Республикасының Ұлттық музейі қатысады. Экспозицияға Берел қорымынан табылған бірегей археологиялық олжалар енгізілуі жоспарланған.
Кездесуде экспонаттарды дайындау және сақтау, сондай-ақ жобаны ғылыми сүйемелдеу мәселелеріне ерекше назар аударылды.
