Қазақстан Сыртқы істер министрі Мұхтар Тілеуберді 10 қарашада Мәскеуде өткен Халықаралық ұжымдық қауіпсіздікті қамтамасыз ету форумына қатысты. Ол «Көпполярлы әлемдегі ұжымдық қауіпсіздік» пленарлық отырысында сөз сөйледі.
Министр мемлекеттер арасындағы сенімнің төмендеуі халықаралық тәртіптің негіздеріне нұқсан келтіріп, халықаралық құқықтың беделін әлсірететінін айтты.
Оның сөзінше, тұрақты халықаралық тәртіп тек күштер тепе-теңдігіне ғана негізделмеуі керек. Оның тірегі халықаралық құқық, өзара сенім және елеулі келіспеушіліктер жағдайында да келісімге келе білу болуы қажет.
