Қырғыз Республикасы Министрлер Кабинеті төрағасының орынбасары Ұлан Маматканов 22 қазанда БҰҰ Дүниежүзілік азық-түлік бағдарламасының (БҰҰ ДАТБ) атқарушы директоры міндетін атқарушы Карл Скаумен кездесті.
Кездесуде тараптар ынтымақтастықтың өзекті мәселелерін талқылады. Маматканов БҰҰ ДАТБ-ның Қырғызстанға көрсетіп отырған қолдауын жоғары бағалап, өзара іс-қимылды одан әрі нығайтудың маңызын атап өтті.
Тараптар мектептегі тамақтандыру жүйесін дамытуға, аз қамтылған отбасыларға және әлеуметтік тұрғыдан осал азаматтарға қолдау көрсетуге назар аударды. Олардың қатарында балалары бар отбасылар, мүгедектігі бар адамдар, қарттар және қатынауы қиын елді мекендердің тұрғындары бар.
