Macklemore жұма күні Лондондағы OVO Arena Wembley сахнасында Free Palestine турының соңғы концертін өткізді. Сатылып кеткен концертке 12 500-ден астам адам жиналды.
Әнші сахнада Эд Ширанның Loop турынан шығарылуына қатысты пікір білдірді. Ширан бұған промоутердің шешімі себеп болғанын, ал концерт өтетін орындар Macklemore бағдарламада болса, турдан бас тартамыз деп қорқытқанын айтқан.
Macklemore көрермендерге: «Мен үшін үнсіз қалу бірдеңе айтудан гөрі жайсыз болды», — деді. Ол Газадағы балаларды «бәріміздің балаларымыз» деп атап, адамзаттың бөлінбейтінін айтты.
Лондондағы концертке Aja Monet, Cure for Paranoia, Dana Saleh, Nemahsis, Lucas Jones, Paloma Faith, Roze, Shadia Mansour және Vic Mensa қатысты. Қонақтардың арасында климат белсендісі Грета Тунберг пен актерлер Марк Руффало, Сьюзан Сарандон, Хавьер Бардем және Синтия Никсон болды.
Macklemore командасының мәліметінше, Дублин, Париж және Лондондағы концерттерден түскен барлық қаражат палестиналық қауымдастықтарға гуманитарлық көмек, медициналық қызмет, білім беру және басқа да бастамалар арқылы қолдау көрсететін ұйымдарға бағытталады.
Британдық Қызыл Крест дерегіне сүйенген басылым Газада қаза тапқандар саны 69 000-нан асқанын жазды. 2023 жылғы 7 қазандағы шабуыл кезінде 1 200-ге жуық израильдік қаза болған.
