Мәшһүр Жүсіп Көпеевтің сирек баспа басылымдары топтамасы ЮНЕСКО-ның «Әлем жады» бағдарламасының Азия-Тынық мұхиты өңірлік тізіліміне енгізілді. Шешім Джакартада өткен бағдарламаның өңірлік комитеті отырысында қабылданды. Топтама «Ғылым ордасы» республикалық мемлекеттік кәсіпорнының қорында сақтаулы, ал тізілімге ұсыну өтінімін Қазақстан тарапы әзірлеген.
Көпеев шығармаларында XIX ғасырдың екінші жартысы мен XX ғасырдың басындағы қазақ қоғамының қоғамдық-саяси өмірі көрініс тапқан. Олар ағартушылық идеяларды, рухани құндылықтарды, әдеби және мәдени дәстүрлерді танытатын тарихи дереккөздер саналады.
Ойшылдың мұрасында ғылым мен білімді дамыту, тарихи жадты сақтау және ұлттық болмысты қорғау мәселелері де маңызды орын алады.
