19 қазанда Самарқандта «С5+1» форматындағы сыртқы істер министрлерінің кездесуі аясында Өзбекстан президенті Шавкат Мирзиёев Қазақстанның сыртқы істер министрі Мұхтар Тілеубердіні қабылдады.
Кездесудің басында Мұхтар Тілеуберді Қазақстан президенті Қасым-Жомарт Тоқаевтың жылы сәлемі мен ізгі тілектерін жеткізді.
Тараптар өзбек-қазақ достығы мен тату көршілігін, стратегиялық әріптестік пен одақтастықты одан әрі нығайту мәселелерін талқылады. Президенттер әкімшіліктері, парламенттер, үкіметтер, өңірлер және бизнес арасындағы белсенді байланыстарға жоғары баға берілді.
