Моңғолияның вице-премьер-министрі Н.Номтойбаяр 2026 жылғы 11 қарашада Түркияның Моңғолиядағы елшісі Башак Генч Юксельді, сауда өкілі Кадир Жерьянды және Түркияның Сауда министрлігі өкілдерін қабылдады.
Кездесуде екі елдің сауда-экономикалық және инвестициялық ынтымақтастығын, арнайы экономикалық аймақтар, ауыл шаруашылығы, көлік және логистика салаларындағы байланыстарды кеңейту мәселелері талқыланды. Сондай-ақ маусымда Моңғолия вице-премьер-министрінің Түркияға жұмыс сапары кезінде талқыланған ұсыныстарды жүзеге асыру жолдары қаралды.
Н.Номтойбаяр Түркия компанияларының инвестициясына және арнайы аймақтардың құқықтық негізіне сүйеніп дамып келе жатқан Қазақстанның арнайы экономикалық аймақтарының тәжірибесін зерттеп, оны Моңғолияда қолдануға қызығушылық білдірді.
