Пәкістанның Федералдық кірістер кеңесі (FBR) және Ұлыбританияның Ұлы Мәртебелі кірістер және кеден қызметі (HMRC) салық реформаларына қолдау көрсету үшін ынтымақтастық туралы меморандумға қол қойды.
Тараптар салық деректерін пайдалану және халықаралық салық салу үдерістерін жетілдіру, сондай-ақ стратегиялық жоспарлар мен реформаларды іске асыруға арналған институционалдық әлеуетті күшейту бойынша жұмыс істейді. Бұл бағыттарға салық талаптарының орындалуына байланысты тәуекелдерді басқару, ақшаны жылыстатуға қарсы функциялар, ақпарат және деректер кіреді.
FBR сондай-ақ «Шекарасыз салық инспекторлары» бастамасы аясында HMRC және Экономикалық ынтымақтастық және даму ұйымымен (ЭЫДҰ) бірлесіп, кеңес қызметкерлерінің біліктілігін арттырып жатыр. HMRC сарапшылары салықтық алаяқтық пен ақшаны жылыстатуға қатысты салықтық және қаржылық тергеу, сондай-ақ қылмыстық қудалау бойынша тренинг өткізеді.
