Павлодар облысы полиция департаментінің кинологиялық орталығында әртүрлі тұқымды 16 ит ұсталады. Олардың көбі — неміс және бельгиялық овчаркалар, лабрадорлар мен спаниельдер.
Күн сайын иттер ветеринардың тексеруінен өтіп, мамандығына сай жаттығады. Кинологиялық қызмет орталығының бастығы Нияз Валиевтің айтуынша, жыл басынан бері қызметтік иттердің көмегімен 214 қылмыс ашылған, оның 78-і есірткі қылмыстары. Иттер тергеу-жедел топтарының құрамында тәулік бойы кезекшілік атқарады.
Ж-Альдо есімді қызметтік ит Кенжекөл ауылындағы ұрлықты ашуға көмектесті. Белгісіз біреу фляга орнатылған арбаны ұрлағаны туралы хабар түскен соң, полиция күдіктіні оқиға орнына жақын жерден тапқан. Ер адам ұрлыққа қатысы барын мойындамаған.
