Skills Enbek платформасындағы жасанды интеллекті бар чат-бот азаматтарға кәсіби тәжірибесі, дағдылары және мансаптық қызығушылықтары бойынша онлайн-курстар таңдауға көмектеседі. Функционалды «Еңбек ресурстарын дамыту орталығы» АҚ әзірлеген.
Пайдаланушыда Enbek.kz Электрондық еңбек биржасында түйіндемесі болса, чат-бот оның білімі, жұмыс тәжірибесі және дағдылары туралы деректерді талдап, лайықты курстарды ұсынады. Түйіндемесі жоқ азамат кәсіби қызығушылықтары мен үйренгісі келетін дағдыларын өзі көрсете алады. Бірнеше нұсқаның ішінен курсты пайдаланушы таңдайды.
Ұсынымдар біліктілікті арттыруға, қосымша дағдыларды меңгеруге немесе кәсіби бағытын өзгертуге арналған оқуды табуға көмектеседі. Платформада ақылы және тегін курстар бар.
