Қазақстан Президенті Қасым-Жомарт Тоқаев «Қазақстанның жаңа тарихи кезеңдегі өзекті міндеттері» атты халыққа Жолдауында елдің әлеуметтік-экономикалық дамуы, ішкі және сыртқы саясатының негізгі бағыттарын және алдағы кезеңге арналған бағдарларды белгіледі.
Президент ел өміріндегі тарихи өзгерістер халықтың көз алдында өтіп жатқанын айтты. Ол келесі жылды Жалпыхалықтық ауқымды құрылыс жылы деп жариялауды ұсынып, барлық өңірде жаппай құрылысты бастап, жандандыру қажеттігін атап өтті. Азаматтар толыққанды әлеуметтік инфрақұрылыммен қамтамасыз етілуге тиіс.
Жолдауда Қазақстанның өңірлерін байланыстыратын бірыңғай логистикалық желі құру, сирек және түсті металдар қорын қалыптастыру арқылы елді жаһандық өндіріс тізбектеріне қосу, ауыл шаруашылығына жасанды интеллект технологияларын енгізу мәселелері де қозғалды. Президент инвесторларды тарту жүйесін жетілдіруді және олардың қызметіне жан-жақты қолдау көрсетуді, жаңа Азаматтық кодекс қабылдауды ұсынды.
