Түркіменстан президенті Сердар Бердімұхамедов Аркадаг қаласындағы Аба Аннаев атындағы Халықаралық ат спорты академиясында Ұлттық ахалтеке жылқы күніне арналған салтанатты шараларға қатысты.
Мереке барысында президентке ел өңірлерінің еңбеккерлері атынан ахалтеке жылқылары сыйға берілді. Аһал уәлаятының тұрғындары Арқачты, Балқан уәлаятының тұрғындары Газалды, Дашоғыз уәлаятының тұрғындары Диярды, Лебап уәлаятының тұрғындары Гүнешты, Мары уәлаятының тұрғындары Пәлванды табыс етті.
Ашхабад тұрғындары атынан Ынамлы, әскери және құқық қорғау органдары атынан Ватанчы, ал Аркадаг қаласының ат өсірушілері атынан Парахат сыйланды. Құттықтаулар да айтылды.
