Өзбекстан президенті Шавкат Мирзиёев Азиядағы өзара іс-қимыл және сенім шаралары жөніндегі кеңес саммиті аясында Вьетнам вице-президенті Во Тхи Ань Суанмен кездесті.
Тараптар екі ел арасындағы өзара тиімді байланыстарды нығайту және одан әрі кеңейтудің практикалық мәселелерін қарастырды. Кездесу басында Вьетнам делегациясының жетекшісі Өзбекстан басшысына Коммунистік партия Орталық комитетінің бас хатшысы, Вьетнам президенті То Ламның жылы лебізі мен ізгі тілегін жеткізді.
Тараптар Өзбекстан мен Вьетнам арасындағы қатынастардың қарқынды дамып келе жатқанына қанағат білдірді. Тауар айналымы тұрақты өсіп, түрлі деңгейде тұрақты байланыстар жүзеге асырылып келеді.
