19 қазанда Өзбекстан президенті Шавкат Мирзиёев АҚШ Мемлекеттік хатшысы Марко Рубиоға және АҚШ президентінің Оңтүстік және Орталық Азия жөніндегі арнайы өкілі Серджио Горға мемлекеттік наградалар табыстады.
Марко Рубио «Буюк хизматлари учун» орденімен марапатталды. Өзбекстан басшысы оның Өзбекстан мен АҚШ арасындағы стратегиялық әріптестікті дамытуға, саяси-дипломатиялық, сауда-экономикалық және мәдени-гуманитарлық байланыстарды кеңейтуге қосқан жеке үлесін атап өтті.
Сондай-ақ оның Орталық Азияда бейбітшілік, тұрақтылық және орнықты дамуды нығайтуға бағытталған күш-жігерді қолдауы, Жаңа Өзбекстанның халықаралық бастамаларын ілгерілетуге жәрдемдесуі және екі ел халықтары арасындағы сенім мен достықты нығайтудағы еңбегі аталды.
